Ｉｔ’ｓ　Ｒａｉｎｉｎｇ: 3132016

做緊咩呀？
你知唔知最近有一套好多人提起嘅戲，
我睇咗呀，我覺得你都會鍾意。
唔知點解，
當戲院暗燈嗰陣，我覺得你喺附近。
留住戲飛，將來我哋遇到，
就可以知道我同你有冇同一時間去過同一個地方......

有人話世界好細，
咁點解咁耐我哋都無遇過？
我望出窗口，覺得個世界好大。
如果真係俾我見到你，
希望你可以俾一分鐘我，
我有好多嘢想同你講，
但係我又唔知點講好，
不過好彩，我仲未遇到你。

我最想你知道,
喺呢個世界上，
有一個人搵緊你、等緊你，
佢同你去過同一個地方、鍾意同一部戲、
笑同一個笑位、喊同一個眼淚位，
同樣喺度諗緊，你喺唔喺度呀......
其實......有無呢個人......
根本有無呢啲嘢嘅呢？